Быыбар барыллаан түмүгүнэн, Үөһээ Бүлүү улууһун баһылыгынан Владимир Поскачин талылынна

    0
    20

    Балаҕан ыйын 10 күнүгэр Үөһээ Бүлүү улууһун үрдүнэн быыбар ыытылынна. Нэһилиэнньэ улуус баһылыгын, 18 нэһилиэккэ баһылыктары, депутаттары таллылар. Үөһээ Бүлүү сэлиэнньэтигэр атыы-эргиэн көхтөөхтүк тэрилиннэ, улуус агрооскуолалара бэйэлэрэ үүннэрбит үүнээйилэрин быыстапкаларын көрдөрдүлэр.


    Сарсыарда 8 чаастан киэһэ 8 чааска диэри быыбардыыр учаастактар үлэлээтилэр.

    Быыбар барыллааһын түмүгүн Үөһээ Бүлүүтээҕи территориальнай быыбардыыр хамыыһыйа бэрэссэдээтэлэ Петр Сыбахов билиһиннэрдэ:

    Биһиги улууспутугар муниципальнай быыбардар бардылар. Улууспутугар 70%-тан тахса киһи куоластаата. Бу улахан кыттыы. Улуус баһылыгын дуоһунаһын кандидатыгар Владимир Семенович Поскачиҥҥа саамай элбэх куолас 77%-тан тахса, Юлия Револиевна Семеноваҕа 14%-тан тахса, Владимир Николаевич Николаевка 4%-тан тахса куолас киирдэ. Республикаҕа биир саамай элбэх куолаһы Владимир Семенович Поскачин ылла, онон үөһээ бүлүүлэр өссө төгүл түмсүүлээхпитин көрдөрдүбүт.

    18 нэһилиэккэ 64 кандидат турбута. Үөһээ Бүлүү сэлиэнньэтигэр 3 кандидат турбутуттан, Максим Филиппович Силигиянов эрэллээхтик бастаата. Кини 63%-тан тахса куолаһы ылла. Василий Егорович Ильин 15%-тан тахса, Иван Егорович Чычахов 9%-тан тахса куоластаахтар.

    Үөдүгэй нэһилиэгэр Валерий Васильевич Васильев бастаата (34%-тан тахса), иккис миэстэҕэ Андрей Андреевич Петров 31%-тан тахса, оттон Дария Анатольевна Андреева 30%-тан тахса куоластаахтар.

    Баһылыктарынан Балаҕаннаах нэһилиэгэр Степан Иванович Дмитриев, Боотулуу нэһилиэгэр Александр Семенович Поскачин, Быракаан нэһилиэгэр Алексей Арсентьевич Оконосов, Дүллүкүгэ Егор Алексеевич Николаев, Кэнтиккэ Валерий Валерьевич Николаев, Кырыкыйга Сергей Яковлевич Сергеев, Маҥааска Аркадий Дмитриевич Донской, Мэйиккэ Михаил Макарович Хаччагаев, Оҥхойго Руслан Васильевич Иванов, Өргүөккэ Семен Викторович Николаев, Ороһуга Анатолий Васильевич Антонов, Сургуулукка Юрий Юрьевич Филиппов, Тамалакааҥҥа Петр Прокопьевич Иванов, Туобуйаҕа Степан Иванович Алексеев, Хомустаахха Христина Петровна Поротова, Хороҕо Семен Николаевич Чиряев буоллулар.

    Маны таһынан, 223 нэһилиэктэр депутаттара талылыннылар. Холобура, Үөһээ Бүлүү сэлиэнньэтигэр 5 уокуругунан депутаттары таллылар. Бастакы уокурукка депутаттарынан Туйаара Васильевна Блинова, Людмила Егоровна Бугулова, Николай Николаевич Семенов, иккис уокурукка Людмила Тимофеевна Долгунова, Юрий Васильевич Кынатов, Василий Васильевич Прокопьев, үһүс уокурукка Петр Васильевич Деллохов, Николай Николаевич Еттянов, төрдүс уокурукка Андрей Иванович Алексеев, Алексей Николаевич Федоров, Федот Сергеевич Филиппов, бэһис уокурукка Анатолий Викторович Захаров, Александр Александрович Иванов, Айта Егоровна Ким, Николай Николаевич Тарагаев буоллулар.

    Быыбар ыытыллар кэмигэр сокуону кэһии тахсыбата. Сөптөөхтүк барда. Биһиэхэ, территориальнай быыбардыыр хамыыһыйаҕа үҥсүү киирбэтэ. Прокурорга аҕыйах ыйытыы баар этэ гынан баран, ол быыбар хаамыытыгар охсубата. Нэһилиэк депутаттара ханнык даҕаны мөккүһүүтэ, иирсиитэ уонна үҥсүһүүтэ суох талылыннылар. Үлэлээбит УБХ-ларга уонна быыбар барбыт нэһилиэктэр баһылыктарыгар улаханнык махтанабыт.