Уолба оскуолатын төрөөбүт күнүгэр анаан Мэҥэ бэлиэ туруорулунна

18:26, 15 сентября 2017
Текст:
Читайте нас на
Дзен
afisha.png

1907 сыллаахха Семен Николаевич Аянитов ньэмиэскэй муннуктаах, орто кээмэйдээх, муосталаах саҥа балаҕаныгар Дьөҥкүүдэй биир отделениелаах оскуолата аһыллыбыта. Оскуола 14 үөрэнээччилээҕэ.


Бастакы учууталынан Дьокуускайга реальнай училищены бүтэрбит Георгий Федорович Андреев ананан кэлбитэ. Ол күнтэн ыла Уолбабыт нэһилиэгэр оскуола 110 сыл устата үгүс кэнчээри ыччаты билиигэ-көрүүгэ уһуйан, үрдүккэ-сырдыкка көтүтэн кэллэ.

Быйылгы үөрэх дьыла оскуолабыт үбүлүөйдээх сылын саҥа остуоруйатын арыйар ураты үгүс тэрээһиннээх, ситиһиилэрдээх буоларыгар былааннаах үлэни саҕалаатыбыт.

Балаҕан ыйын 12 күнүгэр, оскуола аһыллыбыта 110 сылынан бастакы оскуола миэстэтигэр, Семен Аянитов балаҕанын оннугар олохтоох маастар Боппосов Иван Трофимович мындырдаан оҥорбут Мэҥэ бэлиэни туруордубут. Оскуола үөрэнээччилэрэ, учууталлара, олохтоохтор бу ытык сиргэ мустан бэйэбит ааптардарбыт хоһооннорун аахтыбыт, история чахчыларыттан ахтыылары иһиттибит, хаартыскаҕа түстүбүт.

Нэһилиэкпит дьаһалтатын баһылыга Рахлеев Василий Петрович оҕолорго үөрүүлээх бэлиэ түгэнинэн минньигэс торт бэлэхтээтэ.

Үүнэр көлүөнэ ыччаппыт олорон ааспыт историяны билэр, сыаналыыр буоларыгар маннык тэрээһиннэр үксүү, суолталана тураллара наада.

+1
0
+1
0
+1
0
+1
0
+1
0
+1
0
+1
0
29 марта 29.03
  • -14°
  • $ 92,26
  • 99,71

Сообщить об опечатке

Текст, который будет отправлен нашим редакторам: